आमची उपलब्धी

महाबीजच्या शिरपेचात आणखी एक मानाचा तुरा

९ नोव्हेंबर २०१७ रोजी "स्कॉच ग्रुप" (SKOCH GROUP), नवी दिल्ली यांच्या वतीने 'स्कॉच ब्लू इकॉनॉमी अवॉर्ड्स २०१७' च्या नामांकनासाठी देशभरातील २०० हून अधिक नामांकित सरकारी आणि खाजगी संस्थांनी सहभाग घेतला होता. महाबीजनेही यामध्ये पहिल्यांदाच सहभाग नोंदवला आणि आपल्या सोयाबीन बियाण्यांची गुणवत्ता वाढवण्यासाठी घेतलेल्या विविध उपक्रमांचे यशस्वी सादरीकरण केले. या उल्लेखनीय कामगिरीसाठी महाबीजला २० डिसेंबर २०१७ रोजी कॉन्स्टिट्युशन क्लब ऑफ इंडिया, नवी दिल्ली येथे विविध क्षेत्रांतून निवडलेल्या इतर २० संस्थांसह 'ऑर्डर ऑफ मेरिट अवॉर्ड' (Blue Economy Awards 2017) देऊन सन्मानित करण्यात आले.